انسانی یاداشت ---- ایک حیرت کا سمندر ----

‏ انسانی یاداشت ---- ایک حیرت کا سمندر ---- ایک وقت تھا جب میرے والد صاحب نے مجھے پینٹیم 1 کمپیوٹر خرید کر دیا جس میں 4GB ہارڈ ڈسک تھی اور 64MB ریم تھے۔ اس 4GB ہارڈ ڈسک میں بھی بہت سا ڈیٹا میں نے سٹور کیا ہوا تھا۔ آج میرے لیپ ٹاپ میں 500GB ہارڈ ڈسک اور کور آئی 7 پروسیسر لگا ہوا ہے۔ اس کے علاوہ اس میں 8GB ریم موجود ہیں۔ لیکن یہ اس دور کی latest configuration نہیں ہے۔ اب سنا ہے کہ ہارڈ ڈسکس کئی ٹیرا بائیٹس (1000GB) میں آ چکی ہیں۔ اگر ہم انسانی دماغ کی میموری کی گنجائش کا جائزہ لیں تو ہم پر حیرت انگیز انکشافات ہونگے۔ انسان کے دماغ کی میموری کی گنجائش 1000000GB سے بھی زیادہ ہے۔ یہ میموری اتنی زیادہ ہے کہ اس میں آپ کوئی HD مووی 3 ملین گھنٹوں تک لگاتار دیکھ سکتے ہیں۔ اتنی زیادہ میموری ہونے کے باوجود انسان کی یادیں HD فارمیٹ میں سٹور نہیں ہوتیں بلکہ یادیں دھندلی ہوتی ہیں جو وقت کے ساتھ ساتھ مزید دھندلی ہوتی جاتی ہیں۔ اگر ایسا نہ ہوتا تو انسان اپنے پیاروں کے بچھڑنے کا غم کبھی نہ بھلا سکتا۔ انسان کی یادوں میں سوائے اہم واقعات کے باقی سب کچھ مٹ جاتا ہے۔ اگر آپ اپنے گزشتہ سالوں کے واقعات یاد کرتے جائیں تو آپ کو چیدہ چیدہ دھندلے واقعات کے علاوہ بہت کم چیزیں یاد ہوں گی۔ دماغ کی اتنی زیادہ میموری میں یادوں کے علاوہ ان گنت چیزیں سٹور ہوتی ہیں۔ آپ کو ان گنت چیزوں کے نام یاد ہیں۔ ان گنت چہرت پہچان سکتے ہیں اور کئی مختلف اقسام کی معلومات آپ کے دماغ میں اس وقت موجود ہے۔ آپ ابھی اپنے دماغ کو ٹٹولیں اور دیکھیں کہ اس میں کیا کیا کچھ محفوظ ہے۔ آخر میں آپ سب سے ایک سوال۔ کیا آپ جانتے ہیں کہ اگر آپ کوئی نئی چیز سیکھیں تو انسانی دماغ میں اس کی معلومات کس شکل میں ذخیرہ ہوتی ہے؟